Unudulmuş rüku

Unudulmuş rüku

Sual: namaz qılan adam rükunu unudur və qiraətdən sonra səcdə üçün əyilir, bu zaman yadına düşür ki, rüku etməyib. Bu zaman nə etməlidir?

Cavab: Rüku namazın rüknlərindən sayılır. Yəni rüku namazın elə bir əməlidir ki, onu istər qəsdən, istərsə də bilməyərəkdən yerinə yetirməmək və ya hər rükətdə bir dəfədən artıq yerinə yetirmək namazı batil edər. Ona görə də, rükuya qarşı xüsusi diqqətli olmaq lazımdır. Əgər insan rükunu unutsa və səcdə üçün əyilən zaman bunu xatırlasa, ayağa qalxıb düz durmalı, rükuya getməli, sonra səcdə etməlidir. Bu zaman rükudan qabaq qiyam halında olmaq (yəni ayaq üstə dik durmaq) vacibdir, çünki bu da namazın rüknlərindəndir. Alnı ikinci səcdə üçün yerə qoymazdan qabaq rüku etmədiyini xatırlasa, bu qaydaya əməl etməlidir. Amma alnı ikinci səcdə üçün yerə qoyduqdan sonra rüku etmədiyi yadına düşsə, namazı pozulmuş olacaq; çünki rükn əməlin vaxtı keçmişdir. Bu halda namazı başdan təkrar qılmaq lazımdır.

Paylaş:
Baxış sayı: 9926

Digər Məqalələr..

Bir cavab yazın

Sizin e-poçt ünvanınız dərc edilməyəcəkdir.

19 + twenty =