Salam. Mən məhkəmədə işə düzəlmişəm. İşim məhkəmənin sənədlərini hazırlamaq, qərarları, hökmləri yazıya almaq və hakimin digər tapşırıqlarını yerinə yetirməkdir. Amma məlumdur ki, başqa mənafelər də işə qarışdığı üçün çıxarılan qərarların müəyyən bir hissəsi qanuna və ədalətə uyğun olmur. Amma mənim işin həllində, qərarın çıxarılmasında heç bir rolum yoxdur, mən sadəcə olaraq olduğu kimi yazıya almalıyam. Bu işdə işləməyin şəri cəhətdən problemi varmı?