Namazın təqibatı
Namazın təqibatı
Sual: Namazdan sonra təqibat oxumaq, yoxsa Quran tilavət etmək daha yaxşıdır?
Cavab: Hədislərdə namazdan sonra təqibat oxumaq qeyd olunub. Amma Quran tilavət etmək də yaxşıdır.
Sual: Namazdan sonra oxunan ən yaxşı təqibat hansıdır?
Cavab: Xanım Zəhranın (ə) təsbihi.
Sual: Təqibatın ərəb dilində oxunması, şərtdirmi?
Cavab: Təqibatın ərəb dilində oxunması, şərt deyil. Amma daha yaxşı olar ki, təqibat dua kitablarında rəvayət olunmuş dualardan olsun.
Sual: Namazın sonunda imamların (ə) adlarını zikr etmək vacibdirmi?
Cavab: Xeyr, vacib deyil. Amma namazdan sonra təqibatda iki şəhadəti demək və imamları (s) təsdiq etmək, müstəhəbdir.
Sual: Namazın təqibatının xüsusi zikri varmı?
Cavab: Namazı bitirdikdən sonra zikr və dua ilə məşğul olmaq onun təqibatındandır. Namazın salamından sonra əlləri qaldırmaqla təkbir (Allahu əkbər)- demək və xanım Zəhranın (ə) təsbihini zikr etmək, – bu təqibatın ən yaxşısıdır və o, 34 dəfə “Allahu əkbər”, 33 dəfə “Əlhəmdulillah” və 33 dəfə “Subhanəllah” – “Fatihə” surəsini, “Ayətəl-kürsi”-ni, “Şəhidəllah” və “Mülk” ayələrini oxumaq, həmçinin dua kitablarında qeyd olunan duaları oxumaq, namazın təqibatındandır.